საქართველოს ციხეებში გადატვირთულობის პრობლემა კვლავ რჩება. ამის შესახებ დღეს, პარლამენტში საქართველოს სახალხო დამცველმა გიორგი ტუღუშმა "ქრისტიან-დემოკრატებთან" 2010 წლის ანგარიშის განხილვისას განცხადა.
"ძნელია ისაუბრო ევროპულ სტანდარტებზე, როდესაც ქვეყანაში კიდევ არსებობს ისეთი დაწესებულებები, როგორის ბათუმის, ზუგდიდის, ხონის და თბილისი #1 საპყრობილეებია", - აღნიშნა ტუღუშმა.
სახალხო დამცველის თქმით, პატიმართა რაოდენობის ზრდის ტენდენციის გამო საქართველოს ციხეების ლიმიტი უკვე ამოწურულია და ზემოთ აღნიშნულ დაწესებულებებში პატიმართა მდგომარება ღირსების შემლახველ და არაადამიანურ მოპყრობას უტოლდება.
ამასთან, ტუღუშის თქმით, ასევე მძიმე მდგომარეობაა ქსნის კოლონიაში, რომელიც დაიწვა და მიუხედავად მის კოსმეტიკური რემონტისა იქ მყოფი პატიმრები გაუსაძლის პირობებში არიან.
