საქართველოს საგარეო საქმეთა მინისტრი გრიგოლ ვაშაძე რუსი კოლეგის, სერგეი ლავროვის განცხადებას "სუფთა წყლის შანტაჟად და ბლეფად" აფასებს
"ქვეყანამ, რომელიც აპირებს ვაჭრობის მსოფლიო ორგანიზაციაში გაწევრიანებას უნდა მიიღოს ყველა სახელმწიფო თანხმობა. ის რომ რუსეთის ფედერაცია შორიდან გვემუქრება იმის შესახებ, რომ საქართველოს გარეშეც არის შესაძლებელი ორგანიზაციაში მისი გაწევრიანება, არის სუფთა წყლის შანტაჟი და ბლეფი", - განუცხადა საქართველოს სს მინისტრმა მთავრობის დღევანდელი სხდომის დაწყების წინ ჟურნალისტებს.
შეგახსენებთ, რომ სერგეი ლავროვის მტკიცებით რუსეთს ვაჭრობის მსოფლიო ორგანიზაციაში გაწევრიანება საქართველოს თანხმობის გარეშეც შეუძლია.