საქართველოში ყველაზე დინამიურად მზარდი მობილური ოპერატორი ბილაინის აბონეტებს, დღეიდან წამახალისებელი გათამაშებაში მონაწილეობა შეუძლიათ.
როგორც "ჯი-ეიჩ-ენს" კომპანიიდან აცნობეს, გათამაშებაში, რომელიც 19 აპრილიდან 17 ივნისამდე გასტანს, მთავარი პრიზი თბილისში ახლადაშენებულ სახლში ოროთახიანი ბინაა. გარდა ამისა, თამაშდება ფულადი პრიზები.
გათამაშებაში მონაწილეობა შეუძლიათ,როგორც არსებულ, ისე ახალ და პორტირებულ აბონეტებსაც.
ბალანსის 3 ლარით შევსების შემთხვევაში, აბონენტი გახდება ლატარეის 1 ბილეთის მფლობელი, წამახალისებელ გათამაშებაში მონაწილეობა უფასოა.
გათამაშებაში მონაწილეობისათვის, აბონენტმა უნდა აკრიფოს *500#.
გამარჯვებული 19 ივნისს, რუსთავი 2 -ის პირდაპირ ეთერში 18.30 ზე გამოვლინდება.
19 აპრილს, 13.00-ზე კომპანია ბილაინის გენერალური დირექტორი ანდრეი პიატახინი ჟურნალისტებთან ერთად მოინახულებს იმ ბინას, რომლის მფლობელიც ბილაინის იღბლიანი აბონენტი გახდება. მისამართი: ბაგები,მე-13 კვარტალი ,ნაკვეთი 4/1.
„ ბილაინის აბონენტების რიცხვმა უკვე მილიონს მიაღწია, შესაბამისად ჩვენ გვაქვს საშუალება, რომ კიდევ უფრო მეტი საინტერესო და სასიამოვნო სიახლე შევთავაზოთ მათ. განსაკუთრებით მინდა აღვნიშნო, ეს წამახალისებელი გათამაშება, ბინა და ფულადი პრიზები, ხელმისაწვდომია, როგორც არსებული აბონენტებისათვის, ისე მათთვის, ვინც შემდეგი ორი თვის განმავლობაში გახდება ჩვენი აბონენტი. ასე რომ ეს კიდევ ერთი სასიამოვნო მიზეზია ჩვენს ქსელში პორტირებისათვის „ ანდრეი პიატახინი გენერალური დირექტორი