"ბათუმი ბიზნეს თაუერის" მშენებლობამდე "საქართველოს რკინიგზა" პროექტის ტექნიკურ-ეკონომიკურ დასაბუთებას სწავლობს, ამის შესახებ "ჯი-ეიჩ-ენთან" საუბრისას, "საქართველოს რკინიგზის" ხელმძღვანელმა ირაკლი ეზუგბაიამ განაცხადა.
ეზუგბაიას თქმით, პროექტს "საქართველოს რკინიგზის" შვილობილი კომპანია "რეილვეი ფროფერთი მენეჯმეტი" განახორციელებს. "საქართველოს რკინიგზის" ხელმძღვანელი ამბობს, რომ "ბათუმი ბიზნეს თაუერი" ბულვარის დასაწყისში აშენდება, თუმცა ინვესტიციის მოცულობასა და მსენებლობის დაწყების ვადას, ტექნიკურ-ეკონომიკურ დასაბუთების დადებამდე ვერ აკონკრეტებს.
აღნიშნული პროექტის მიზანია უცხოური კომპანიების მხრიდან ბათუმით დაინტერესების ზრდა და საბოლოოდ ინვესტიციების მოზიდვა.
შეგახსენებთ, რომ "საქართველოს რკინიგზა" წარმოადგენს სახელმწიფოს 100%-იანი წილობრივი მონაწილებით შექმნილ საწარმოს.
