საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა გაერთიანებული წყალმომარაგების კომპანიას სრულიად ახალი, ბრიტანული წარმოების 21 ერთეული ექსკავატორ-მტვირთავი და სხვადასხვა სახის წყლის სისტემის მაკონტროლებელი აღჭურვილობა (მათ შორის: ულტრაბგერითი სითხის საზომები, არამეტალური მილების აღმომჩენი მოწყობილობა, მეტალის მილების აღმომჩენი მოწყობილობა, წყლის გაჟონვის აკუსტიკური დეტექტორი და ა.შ.) გადასცა. ექსკავატორ-მტვირთავები "წყლის ინფრასტრუქტურის მოდერნიზაციის პროექტის" ფარგლებში, საქართველოს რეგიონული განვითარებისა და ინფრასტრუქტურის სამინისტრომ და მუნიციპალური განვითარების ფონდმა საქართველოს მთავრობისა და ,,ევროპის საინვესტიციო ბანკის" დაფინანსებით შეისყიდა. მსგავსი ტიპის 15 ერთეული ტექნიკა სამინისტრომ ორი თვის წინ, უკვე გადასცა წყლის კომპანიის რამდენიმე რეგიონალურ სერვის ცენტრს.
ახალი, საერთაშორისო სტანდარდარტების ექსკავატორ-მტვირთავები გაერთიანებული წყალმომარაგების კომპანიის რეგიონულ ოფისებს გადაეცემა, რაც მათ შესაძლებლობას მისცემს საკუთარი ძალებით, ოპერატიულად და ეფექტურად მოახდინოს დაზიანებების ლოკალიზაცია და წყლის სისტემების რეაბილიტაცია. დღეს, პირველად მინისტრის თანდასწრებით აამუშავეს ბრიტანული წარმოების ექსკავატორ-მტვირთავი და იქვე ჩაუტარდა ტესტირება წყალმომარაგების სისტემის მაკონტროლებელ აღჭურვილობასაც.
მასალის გამოყენების პირობები
