"ქრისტიან-დემოკრატები" შრომის, ჯანმრთელებისა და სოციალური დაცვის სამინისტროსთვის გამოყოფილი 30 მილიონი ლარიდან მეორე ჯგუფის ინვალიდებისთვის და მარჩენალდაკარგულებისთვის პენსიების გაზრდას ითხოვენ.
როგორც პარლამენტის პლენარულ სხდომაზე "ქრისტიან-დემოკრატების" წევრმა მაგდა ანიკაშვილმა აღნიშნა, მისასალმებელია ასაკით პენსიონერებისთვის და პირველი ჯგუფის ინვალიდებისთვის პენსიების გაზრდა, მაგრამ სოციალურად უსამართლობა იქნება, თუ მინიმალურად მაინც არ მოხდება მეორე ჯგუფის ინვალიდებისთვის, მარჩენალდაკრგული ბავშვებისთვის და ომში დაღუპულების ოჯახებისთვის პენსიების გაზრდა.
"ჯანდაცვის სამინისტროს დეფიციტური პროგრამების მუხლში 30 მილიონი იდება, საიდანაც შესაძლებელია აღნიშნული კატეგორიებისთვის პენსიების თუნდაც მინიმალურად გაზრდა", - აღნიშნა ანიკაშვილმა.