საქართველოში შიდსით კიდევ ერთი ადამიანი გარდაიცვალა. როგორც შიდსის ცენტრში აცხადებენ, პაციენტის დაღუპვის მიზეზი დაგვიანებული მკურნალობა გახდა. აივ ინფექციის მატარებელმა მამაკაცმა ექიმს დაავადების ბოლო სტადიაზე მიმართა, რის გამოც პაციენტის გადარჩენა ვეღარ მოხერხდა.
ლეტალური შედეგის მიზეზი ყველაზე ხშირად სწორედ დაგვიანებული დიაგნოსტიკა ხდება.
გასულ წელს შიდსით დაავადების სულ 101 შემთხვევა დაფიქსირდა, წლევანდელმა მაჩვენებელმა კი 106-ს მიაღწია. აივ ინფექციით ბოლო ერთი კვირის განმავლობაში ორი, მიმდინარე წლის განმავლობაში კი 34 პაციენტი გარდაიცვალა.
