"აფხაზეთის შანსები ისრაელში - "საჩუქარი" სააკაშვილისგან" - ასეთი სათაურით აქვეყნებს ინტერნეტგამოცემა "იზრუ" სტატიას.
"საქართველოს ხელისუფლებამ, რომელმაც ისრაელთან ურთიერთობების გამწვავების გადაწყვიტა ხელსაყრელი პირობები შეუქმნა აფხაზებს ამ მიმართულებით ურთიერთობების განვითარებისთვის. მით უფრო, რომ ისრაელის ანკარასთან და თეირანთან კონფრონტაცის გამო სოხუმი შესაძლოა ოფიციალური იერუსალიმისთვის საინტერესო აღმოჩნდეს", - ნათქვამია სტატიაში.
ამასთან, სტატიაში აღნიშნულია, რომ მარტში ისრაელში გაუხამარებული ვიზიტით აფხაზეთის სეპარატისტული რეჟიმის ე.წ. პრეზიდენტის სერგეი ბაღაფშის ადმინისტრაციის თანამშრომელთა შვიდკაციანი დელეგაცია იმყოფებოდა.
მათი ისრაელში ყოფნის შესახებ ძალიან ვიწრო წრეშია ცნობილი, მათ შორის საქმის კურსში არ არიან თვით აფხაზეთიდან ისრაელში გადასახლებულებიც, რომლებიც ძალისხმევას არ იშურებენ აფხაზეთსა და ისრაელს შორის ორმხრივი ურთიერთობების დასამყარებლად.
აღნიშნულთან დაკავშირებით, გამოცემას აფხაზეთის დე ფაქტო საგარეო საქმეთა სამინისტროს მაღალჩინოსანმა განუცხადა, რომ მათ ისრაელში ვიზიტის შესახებ განსაკუთრებული ინფორმაცია არ აქვთ და მათთვისაც მხოლოდ ის არის ცნობილი, რომ ეს არაოფიციალური ვიზიტი იყო.
"შეხვედრები იმართებოდა ძირითადად ბიზნესმენებთან და რიგ პარლამენტარებთან და ჩვენთან ამის აფიშირება არ მომხდარა", - აღნიშნავს დე ფაქტო სამინისტროს წარმომადგენელი.
სტატიაში ასევე აღნიშნულია, რომ ამჟამად საქართველოსა და ისრაელს შორის არსებული ნეგატიური ფონის გათვალისწინებით ხელსაყრელი პირობები იქმნება აფხაზეთისთვის წარმატებული პიარკამპანიის ჩასატარებლად.
"აფხაზეთს საკმაოდ ხელსაყრელი გეოგრაფიული მდებარეობა უკავია, რაც შეიძლება გამოყენებული იქნეს კავკასიელ ხალხებთან დაახლოებითვის და ასევე შავ ზღვაზე გაკვეული ინტერესების რეალიზებისთვის", - ნათქვამია სტატიაში.
უნდა აღინიშნოს, რომ მოსკოვის მიერ აფხაზეთის ე.წ. დამოუკიდებლობის აღიარებამდე 4 წლით ადრე, სოხუმმა იერუსალიმს უფრთიერთობების დამყარების დაინტერესების შესახებ აცნობა.
2004 წელს ვალერი არშბამ ღიად განაცხადა, რომ ისრაელი შესაძლოა გამხდარიყო ქვეყანა, რომელიც ერთ-ერთი პირველი აღიარებდა აფხაზეთის ე.წ. დამოუკიდებლობას.
სერგეი შამბამ კი აღნიშნავდა, რომ ისრაელი აფხაზეთის პერსპექტიული მიმართულება იყო - "ისრაელში ცხოვრობს ადიღურ-ჩერქეზული დიასპორის მნიშვნელოვანი ნაწილი, რომელთანაც კონტაქტი ჩვენთვის მნიშვნელოვანია".
ამასთან, გამოცემა აღნიშნავს, რომ ისრაელსა და აფხაზეთს შორის საუბარი მიმდინარეოს უსაფრთხოების საკითხებში გარკვეული თანამშრომლობის დამყარების თაობაზეც.
სტატიის ბოლოს კი ნათქვამია, რომ "ჩნდება ლოგიკური დასკვნა: უსაფრთხოების სფეროში ისრაელისა და აფხაზეთის შესაძლო თანამშრომლობის საკითხის ზომბირება და აფხაზეთის პრეზიდენტის ადმინისტრაციის თანამშრომლობის ვიზიტი ისრაელში შემთხვევით არ დაემთხვა ოფიციალური იერულიმის მიერ საქართველოს ხელისუფლებით უკმაყოფილების საჯარო გამოხატვას".
