გარდა ამისა, 2011 წლის სახელმწიფო ბიუჯეტის ცვლილებების მიხედვით, 15 მილიონი ლარით იზრდება რეგიონალური განვითარებისა და ინფრასტრუქტურის სამინისტროს ასიგნებები სხვადასხვა ინფრასტრუქტურული პროექტის დასაფინანსებლად და 11 მილიონი ლარით ეკონომიკისა და მდგრადი განვითარების სამინისტროს ასიგნებები, რომელიც ტურიზმის განვითარებას, სახელმწიფო საკუთრებაში არსებული ქონების დაცვის ხარჯებს და ერთიანი სატრანსპორტო ადმინისტრაციის რეორგანიზაციის შემდეგად შექმნილ საჯარო სამართლის იურიდიული პირების ფუნქციონირების დაფინანსებას მოხმარდება.

ფინანსთა მინისტრის პირველი მოადგილის პაპუნა პეტრიაშვილის თქმით, ასევე იზრდება სახელმწიფო მინისტრების აპარატების დაფინანსება. კერძოდ: დიასპორის საკითხებში სახელმწიფო მინისტრის აპარატის ბიუჯეტი 165 ათასი ლარით და ევროპულ და ევროატლანტიკურ სტრუქტურებში ინტეგრაციის სახელმწიფო მინისტრის აპარატის დაფინანსება 170 ათასი ლარით გაიზრდება.

შეგახსენებთ, რომ 2011 წლის სახელმწიფო ბიუჯეტის საშემოსავლო ნაწილი 348.8 მილიონი ლარით იზრდება.