ფინანსთა სამინისტრო მიმდინარე წელს ევრობონდების მეორე ემისიას გეგმავს, რომლის მოცულობაც 500 მილიონი დოლარი იქნება. ამის შესახებ ფინანსთა მინისტრის პირველმა მოადგილემ პაპუნა პეტრიაშვილმა დღეს, ევროპასთან ინტეგრაციის, საგარეო ურთიერთობათა და დიასპორის საკითხთა კომიტეტების გაერთიანებული სხდომაზე განაცხადა.
"ცვლილება შედის ბიუჯეტის ვალდებულებების ნაწილში, რომლშიც აისახება 2008 წელს გამოშვებული ევრობონდის რეფინანსირებისთვის წელს გამოსაშვები თანხები და ეს არის 500 მილიონი დოლარი", - აღნიშნა პეტრიაშვილმა.
მისივე თქმით, ეროვნულ ბანკთან გამართული კონსულტაციების შემდეგ გადაწყდა, რომ წელს კიდევ დამატებით მოხდეს 100 მილიონი ლარის სახაზინო ვალდებულების გამოშვება.