3 წლის ჩჟაო საო 60 კილოგრამს იწონის. იგი 5-ჯერ აღემატება ნორმალური ბავშვის წონას. ბავშვს არ იღებენ საბავშვო ბაღში, რადგან მშობლები და აღმზრდელები შიშობენ, რომ თამაშის დროს ჩჟაო საო უნებლიეთ გაჭყლეტს თავის თანატოლებს. საოს დედამ მიმართა ექიმებს, მაგრამ არანაირი რეკომენდირებული დიეტა მას არ შველის.
"როცა ვწყვეტ საკვების მიცემას ან ვცდილობ შევამცირო რაციონი, ჩჟაო ისტერიკებს მართავს, რომელიც მანამ გრძელდება სანამ საწადელს არ მიღწევს", - ყვება ბავშვის ჯამრთელობით შეწუხებული დედა.
გამოკვლევებმა აჩვენა რომ ბავშვს დარღვეული აქვს ზრდის ჰორმონების მუშაობა, რაც ხშირ შემთხვევაში იწვევს გასუქებას, ჩჟაოს სიმაღლე 108 სანტიმეტრია.
ექიმები შიშობენ, რომ ბავშვის გული ვერ გაუძლებს ამ ტემპით სხეულის წონის ზრდას.
"მის მადას საზღვარი არ აქვს. საჭმლის ერთ მიღებაზე ჩჟაო მიირთმევს მინიმუმ 3 დიდ ჯამ ბრინჯს", - აცხადებს შეშფოთებული მამა ლუ იუნჩენგი.
ბოლო მონაცემებით, ჩინეთის ტერიტორიაზე 60 მილიონი ადამიანი ცხოვრობს, რომელიც სიმსუქნის პრობლემით იტანჯება.
