ჩრდილოეთ კორეის მეცნიერებმა ანალოგის არმქონე პრეპარატი გამოიგონეს, რომელიც ღვიძლის სიმსივნის საწყისი სტადიის განკურნების გარანტიას იძლევა. ამ პრეპარატისთვის სახელი ჯერ კიდევ არ დაურქმევიათ. თუმცა უკვე ცნობილია, რომ მის შემადგენლობაში გალიუმის ქიმიური ელემენტი შედის, რომელიც მსუბუქ მეტალთა ჯგუფს განეკუთვნება.
ბუნებაში ეს ელემენტი მიწის ქერქში მოიპოვება. უკანასკნელ დრომდე ამ ნივთიერებას ლაზერის მოწყობილობისთვის იყენებდნენ. მიიჩნეოდა, რომ მას ორგანიზმის სერიოზულად მოწამვლა შეეძლო.
მისი ძირითადი სიმპტომებია მწვავე აღგზნებადობა, სუნთქვის შენელება, კიდურების დამბლა და, საბოლოო ჯამში, ლეტალური შედეგი.
აღსანიშნავია, რომ ორგანიზმის შიგნით შეღწევისას გალიუმი შინაგან ორგანოებს ძლიერ აზიანებს. მიუხედავად ამისა, მეცნიერებმა ამ პრეპარატზე უარი არ თქვეს. პრეპარატს საცდელი ინექციის სახით უკვე იყენებენ. მკურნალობისთვის ერთადერთი შეზღუდვა სიმსივნის მოცულობაა, იგი ხუთ სანტიმეტრს არ უნდა აღემატებიდეს.
დღესდღეობით მკურნალობის ამ მეთოდის გამოყენებით პაციენტთა 90 % განკურნებულია.
