იემენის ხელისუფლება პრეზიდენტ ალი აბდულა სალეხის წინააღმდეგ მოწყობილი დემონსტრაციის მონაწილეთა რიცხვის შემცირებას ცდილობს.
დედაქალაქის შესასვლელებში უშიშროების სამსახურის წარმომადგენლები მათ დოკუმენტაციას ამოწმებენ, ვინც ოპოზიციის მომხრედ მიიჩნევა. ისინი საეჭვოდ მიჩნეულ ადამიანებს გადაადგილებას უზღუდავენ.
თვითმხილველთა დაყრდნობით, "ბი-ბი-სი" იტყობინება, რომ მოქმედი პრეზიდენტის მომხრები დედაქალაქში დაუბრკოლებლად გადადგილდებიან და მათ უშიშროების სამსახური არ აჩერებს.
ცნობისთვის, იემენის დედაქალაქში უსაფრთხოების ზომები გაძლიერებულია, რადგან ოპოზიცია დღეისთვის გრანდიოზუილი მიტინგის ჩატარებას გეგმავდა.
ქვეყნის ერთ-ერთი უნივერსიტეტიდან წამოსულმა ათობით ათასმა დემონსტრანტმა ქუჩები უკვე შეავსო. მათ ხელში იმ ადამიანების პორტრეტები უჭირავთ, რომლებიც ერთი კვირის წინ პოლიციელებთან შეტაკებისას დაიღუპნენ.
უფრო ადრე გავრცელებული ინფორმაციით კი, იემენის პრეზიდენტის ოპოზიცია წლის ბოლომდე პრეზიდენტის ხელისუფლებაში დარჩენას აპროტესტებს. მათი თქმით, აბდულა სალეხი პოსტიდან დაუყოვნებლივ უნდა გადადგეს.