"ქრისტიან-დემოკრატები" რეალით შოუს მოწყობის იდეით გამოდიან, რათა გამოვლინდეს რამდენად საკმარისია 100 ლარი პენსიონერებისთვის.
ამის შესახებ დღეს, პარლამენტის პლენარულ სხდომაზე შრომის, ჯანმრთელობის და სოციალური დაცვის მინისტრთან ანდრია ურუშაძესთან გამართულ დებატებზე "ქრისტიან-დემოკრატების" წევრმა ლევან ვეფხვაძემ განაცხადა.
"მოვაწყოთ რეალითი შოუ, შევარჩიოთ მთავრობაში 10 ექსტრემალის მოყვარული მინისტრი და მოვათავსოთ დახურ სივრცეში. მივცეთ მათ ასი ლარი და ვნახოთ რამდენ დღეს გასტანენ. ჩემი აზრით, ეს იქნება ძალიან საინტერესო სანახაობა, განსაკუთრებით იმ პენსიონერებისთვის, რომელთაც უწევთ 80 ლარად მთელი თვე თავის გატანა", - მიმართა ვეფხვაძემ ურუშაძეს.
