"ქრისტიან-დემოკრატები" შრომის, ჯანმრთელობისა და სოციალური დაცვის მინისტრისგან მოითხოვენ პასუხს, რატომ არ აყენებს მთავრობის წინაშე ჯანდაცვის ბიუჯეტის გაზრდის საკითხს.
როგორც დღეს, პარლამენტის პლენარულ სხდომაზე ჯანდაცვის მინისტრთან გამართულ დებატებზე "ქრისტიან-დემოკრატების" წევრმა მაგად ანიკაშვილმა აღნიშნა, ჯანდაცვის სერვისები ხელმისაწვდომია მხოლოდ იმ ადამიანებისთვის, რომლებიც დაზღვეულები არიან და ქვეყანაში ასეთი მხოლოდ მოსახლეობის 30% -ია.
"დანარჩენი მოქალაქეები, განსაკუთრებით კი ის ადამიანები, რომლებიც დაზღვეულები ან პენსიონერები არ არიან თქვენს მიერ დასახელებულ სახელმწიფო "სიკეთეებს" ვერ იღებენ. ამიტომ უნდა იყოს სამართლიანი გადანაწილება, რასაც არ ფარავს დაზღვევა, მისი ნაწილი მაინც უნდა იფარებოდეს სახელმწიფო პროგრამებით. დღეს არა თუ უმუშევარი ადამიანები ვერ შეიძენენ სადაზღვეო პაკეტს, დასაქმებულებსაც კი უჭირთ", - მიმართა ურუშაძეს ანიკაშვილმა.
ამასთან, დეპუტატმა ონკოლოგიურ დაავადებების მკურნალობის დაფინანსებაც მოითხოვა და აღნიშნა, რომ მხოლოდ სკრინინგი არ არის საკმარის, რომლითაც მხოლოდ გარკვეული კატეგორიები სარგებლობენ.
"ჯანდაცვის ნაწილის დაფინანსება არის შეუსაბამოდ მცირე. მაინტერესებს აყენებთ თუ არა მისი გაზრდის საკითხს და რატომ ამბობს მთავრობა უარს", - მიმართა დეპუტატმა ჯანდაცვის მინისტრს.
