საქართველოს შრომის, ჯანმრთელობისა და სოციალური დაცვის მინისტრ, სანდრო ურუშაძის განცხადებით, მედიკამენტებზე ფასების შემცირება და კონკურენტული გარემოს შექმნა ამ სექტორში არსებულმა თავისუფალმა კონკურენციამ განაპირობა.
მისი თქმით, ბოლო პერიოდში განხორციელებილმა საკანონმდებლო ცვლილელებმა ავტომატური რეგისტრაციის და პარალელური იმპორტისა და რეცეფტის გამოწერისას ანგარების აკრძალვის შესახებ შედეგები უკვე გამოიღო.
"გაიზარდა იპორტიორთა რიცხვი და რეგისიტრირებული ხარისხიანი მედიკამენტების რაოდენობა. განვითარდა ახალი სააქციო ქსელები, რომლის შედეგადაც ბევრი დასახელების მედიკამენტის ფასი 30-50 პროცენტით შემცირდა. მინდა გითხრათ, რომ ბოლო კვლევების შედეგად წამლების ფასის შემცირების ტენდენცია მყარია და ჩვენს რეგიონში არსებულ სხვა ქვეყნებთან შედარებით საქართველოში ერთ-ერთი ყველაზე დაბალი ფასი ფიქსირდება. საქართველოში დღეს 607 ავტორიზირებული აფთიაქი მოქმედებს, აქედან 214, 2010 წლიდან ამოქმედდა, მას შემდეგ რაც გამარტივდა რეგისტრაციის პროცესი. დამატებითი საკანონმდებლო ცვლილების შემდეგ გაიხსნა 892 ე.წ. ოფისის პრეპარატებით მოვაჭრე სააფთიაქო ქსელი. ამ სექტორში, სწორედ თავისუფალმა კონკურენციამ გახადა შესაძლებელი ფასების შემცირება და კონკურენტული გარემოს შექმნა. ფარმაცევტულ ბაზარზე ცვლილებების შემდეგ დარეგისტრირდა 34 ახალი ფარმაცევტული კომპანია და ფიზიკური პირი. რეგისტრალურ მედიკამენტებში ძირითადი გახდა სწორედ აღიარების რეჟიმი და პარალელური იმპორტის რეჟიმით შემოტანილი მედიკამენტები. გაიზარდა ხარისხიანი მედიკამენტის იმპორტის საერთო მოცულობა", - განაცხადა ურუშაძემ პარლამენტში სიტყვით გამოსვლისას.
მისი თქმით, ფასებთან დაკავშირებით მნიშვნელოვანი ადგილობრიცი პროდუქციის წარმოება.
ურუშაძის მტკიცებით, ბაზრის უფრო და უფრო მეტი ნაწილი დაკავებულია საქართველოში წარმოებული ფარმაცევტული პროდუქციით.
