"სამცხე-ჯავახეთის საავტომობილო გზების რეაბილიტაციის პროექტის ფარგლებში რეაბილიტირებულ იქნა 223 კილომეტრი საავტომობილო გზა და დაიხარჯა 220 მილიონი დოლარი. ეს არის გზა, რომლითაც შესაძლებელია ახალქალაქში სულ რაღაც ორ საათში ჩასვლა, როცა ამ გზის დაფარვას სჭირდებოდა 8 საათი. რეალურად, განაწყებენებული იყო ახალქალაქიც, წალკაც, ნინოწმინდაც. ეს რეგიონი მთლიანად მოწყვეტილი იყო, რადგან მოძრაობა შეუძლებელი იყო",_ აცხადებს რეგიონალური განვითარებისა და ინფრასტრუქტურის მინისტრი რამაზ ნიკოლაიშვილი პარლამენტში სიტყვით გამოსვლისას.
მინისტრის თქმით, მილენიუმის პროგრამით, დამატებითი ტრანში გამოეყო საქართველოს, რომლითაც ბევრ საინტერესო პროექტს, მათ შორის, გოდერძის უღელტეხილის გზის რეაბილიტაციას ვარაუდობენ. საბოლოო ჯამში, თბილისიდან აჭარის მიმართულებით უმოკლეს გზას გაიყვანენ.
"მესტიაში მიმავალი გზა რეალური გამოწვევაა. ზუგდიდიდან მესტიამდე 132 კილომეტრია, გზის 90 %-ის დასრულებას ამ თვის აგვისტოში ვვარაუდობთ"_განმარტავს რამაზ ნიკოლაიშვილი.
მისი თქმით, ზუგდიდიდან მესტიამდე გზაზე მოძრაობისთვის 11 საათი იყო საჭირო, მომავალში კი ეს გზა 3 საათში დაიფარება.
გარდა ამისა, რამდენიმე გვირაბის მშენებობა უკვე დაიწყო და ზამთრის მიუხედავად, სამუშაოები არ შეჩერებულა.
