"თავისუფალი დემოკრატების" წევრმა, ოპოზიციონერმა დეპუტატმა გია ცაგარეიშვილმა რეგიონალური განვითარებისა და ინფრასტრუქტურის მინისტრისგან პრეზიდენტის ავლაბრის რეზიდენციის მშენებლობის ხარჯების გაცნობა მოითხოვა.
"მიუხედავად იმისა, რომ იმ დროს თქვენ მინისტრი არ იყავით, იქნება მაინც გაგვაცნოთ, რამდენი ლარი დაიხარჯა პრეზიდენტის რეზიდენციის მშენებლობაზე, ასევე მოგვაწოდოთ ინფორმაცია ქუთაისში საქართველოს პარლამენტის და მინისტრთა კაბინეტის ოფისის ასაშენებლად რამდენი დაიხარჯება", - მიმართა დეპუტატმა ნიკოლეიშვილს და სთხოვა თუ შეძლებდა, დაესახელებინა თანხა, რომელიც ქუთაისში კონტროლის პალატის აშენებაზე დაიხარჯა.
ამასთან, დეპუტატი დაინტერესდა, ქუთაისის ნაგავსაყრელის გადატანა თუ იგეგმება და რა ვადებში, რაზედაც ინფრასტრუქტურის მინისტრმა უპასუხა, რომ ნაგავსაყრელის გადატანა მოხდება და იქ გზის გაყვანა იგეგმება.
