"ქრისტიან-დემოკრატები" ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრ კობა სუბალიანს ფოცხოეწერში ერთად ჩასვლას სთავაზობენ.
აღნიშნული შეთავაზება დღეს, პარლამენტის პლენარულ სხდომაზე "ქრისტიან-დემოკრატების" წევრმა ლევან ვეფხვაძემ მინისტრის გამოსვლის შემდეგ დებატების დროს გააკეთა.
"რაც შეეხება ფოცხოეწერში დევნილების ჩასახლებას ცოტა გაუგებარია, რადგან ის რასაც მოვისმინე თქვენგან სრულიად განსხვავდება იქ ჩასახლებული 20 ოჯახის მიერ ნათქვამისგან. ახლა რა ვქნათ თქვან დაგიჯეროთ თუ იმათ, ამიტომ გთავაზობთ ერთად ავიდეთ და ვნახოთ რა ხდება", - მიმართა ვეფხვაძემ სუბელიანს.
მისივე თქმით, ფოცხოეწერში ჩასახლებული დევნილები აცხადებენ, რომ ისინი იქ მიყვანეს, დაყარეს და უკან წამოსასვლელი ფულიც კი არ აქვთ.
"ფოცხოეწერში ჩასახლება იმიტომ არ შეიძლება, რომ თვითდასახლების საშუალება არ არსებობს, არის სინესტე და საერთოდ გაუგებარია, რატომ დაიწყეთ ზამთარში მათი გამოსახლება და არა ზაფხულში", - იკითხა დეპუტატმა.
