"თავისუფალი დემოკრატების" წევრი, დეპუტატი გიორგი ცაგარეიშვილი "სოფლის მეურნების დარგის განადგურებისთვის" სოფლის მეურნეობის მინისტრისა და საპარლამენტო უმრავლესობის პასუხისმგებლობის საკითხის დაყენებას ითხოვს.
როგორც ცაგარეიშვილმა პარლამენტის დღევანდელ რიგგარეშე პლენარულ სხდომაზე განაცხადა, მთელი ამ წლების განმავლობაში, ხელისუფლება ყველანაირად უშლიდა ხელს, რომ მინიმალურ დონეზე მაინც განხორციელებულიყო სახელმწიფო ინვესტიციების დაბანდება სოფლის მეურნეობაში.
"ფსევდოლიბერალურ პოლიტიკას ამოფარებული მობენდუქიძეო ტიპები, მეთოდურად ანადგურებდნენ სოფლის მეურნეობას", - განაცხადა ცაგარეიშვილმა და დასძინა, რომ რისკების შეფასება ამ დარგში ნულის ტოლია, რადგან მინისტრმა და მისმა გუნდმა ვერ განსაზღვრა ვერც ერთი რისკი, რომელიც ამ წლების განმავლობაში დადგა სასურსათო უსაფრთხოების მიმართულებით.
