პარლამენტის ვიცე-სპიკერს, პაატა დავითაიას აინტერესებს, როგორ აპირებს მთავრობა სოფლის მეურნეობის აღორძინებას სარწყავი სისტემის მოწესრიგების გარეშე.
სახელმწიფომ საირიგაციო არხების რეაბილიტაციისთვის თანხები 2008-09-10 წლებში სახელმწიფო ბიუჯეტში იყო გათვალისწინებული, წლევანდელ ბიუჯეტში ეს აღარ არის და სარწყავი სისტემის მოუწესრიგებლობის გარეშე როგორ აპირებთ სოფლის მეურნეობის აღორძინებას?" - მიმართა დავითაიამ სამთავრობო დებატებზე სოფლის მეურნეობის მინისტრს.
დეპუტატის თქმით, საწვავის გაძვირება, მორწყვის საფასური, მიწის გადასახადების გაზრდა მძიმე ტვირთად დააწვა სოფლის მოსახლეობას, რის გამოც შესაძლოა დაუმუშავებელი მიწების ფართობი კიდევ გაიზარდოს.
ამის გათვალისწინებით, დავითაია დაინტერესდა, აპირებს თუ არა მთავრობა საწვავის ნაწილობრივ სუბსიდირებას.
გარდა ამისა, ვიცე-სპიკერმა საქართველოს მთავრობის #394 დადგენილების გადახედვა მოითხოვა, რომელიც სასოფლო-სამეურნეო მიწების გადასახადის გაზრდას ითვალისწინებს.
