საპარლამენტო უმრავლესობის ლიდერი პეტრე ცისკარიშვილი სოფლის მეურნეობის დარგში სამრეწველო პროდუქციის წარმოების საერთო სტატისტიკურ მონაცემებში დაფიქსირებას მოითხოვს. ამის შესახებ ცისკარიშვილმა პარლამენტის რიგგარეშე პლენარულ სხდომაზე სამთავრობო დებატების დროს განაცხადა.
"ახალი საწარმოები, განსაკუთრებით გადამამუშავებელი მრეწველობა სოფლის მეურნეობის დარგში, ქმნის რაღაც პროდუქციას, მაგრამ სტატისტიკის დეპარტამენტში და საერთო სტატისტიკურ მონაცემებში არ ხდება ამის დაფიქსირება", - მიმართა სოფლის მეურნეობის მინისტრს ცისკარიშვილმა.
კვეზერელმა აღნიშნა, რომ სტატისტიკის დეპარტამენტთან მიმდინარეობს მოლაპარაკება, რომ ეს საწარმოები სწორედ სოფლის მეურნეობის სფეროს მიაკუთვნონ.