იტალიური "ფერერო" საქართველოდან თხილის გარდა, ნერგების ექსპორტსაც გეგმავს. როგორც დღეს პარლამენტში გამოსვლისას სოფლის მეურნეობის მინისტრმა ბაკურ კვეზერელმა განაცხადა, საქართველოდან ნერგების ექსპორტი გასულ წელს მექსიკასა და უკრაინაში უკვე განახორციელა.
"ფერეროს" ინვესტიცია თხილის პლანტაციებში არ ნიშნავს დახმარებას მხოლოდ თხილის მწარმოებლებისათვის. დღეს "ფერერო" არა მხოლოდ თხილის ექსპორტს გეგმავს საქართველოდან, არამედ სანერეგე მასალების გატანასაც აპირებს. 2010 წელს უკვე განხორციელდა ნერგების ექსპორტი მექსიკაში, უკრაინაში და აღმოსავლეთ ევროპის სხვა ქვეყნებში. ეს იმ ფონზე, როდესაც რეგიონში თურქეთსაც კი უჭირს სანერგე მასალით ვაჭრობა", - აღნიშნა სოფლის მეურნეობის მინისტრმა.