მთავრობა სამაცივრე მეურნეობების ხელშეწყობას გააგრძელებს. როგორც დღეს პარლამენტში სიტყვით გამოსვლისას, სოფლის მეურნეობის მინისტრმა ბაკურ კვეზერელმა აღნიშნა, ბოლო წლებში ქვეყანაში სამაცივრე მეურნეობები ვითარდება, სადაც გაყინული პროდუქციისა და ადგილობრივად მოყვანილი ხილისა და ბოსტნეულის შენახვა ხდება.
"სამაცივრე მეურნეობების მოწყობა აუცილებად გაგრძელდება. ქვეყანაში მათი მშენებლობა ძირითადად დაფინანსებულია "იაფი კრედიტით", ან დონორების მიერ გამოყოფილი თანხით. თითოეული ამ პროექტების განხორციელებაში სახელმწიფოს მნიშვნელოვანი წვლილი აქვს შეტანილი", - აცხადებს კვეზერელი.