სოფლის მეურნეობისათვის გამოყოფილი 150 მლნ ლარი 70 პროექტზე გადანაწილდება, ამის შესახებ დღეს პარლამენტში სიტყვით გამოსვლისას სოფლის მეურნეობის მინისტრმა ბაკურ კვეზერელმა განაცხადა.
მინისტრმა დეპუტატებს კონკრეტული პროექტებიც გააცნო და აღნიშნა, რომ მათი განხორციელებით მიღებული შედეგი ქვეყნისათვის მნიშვნელოვანი ფაქტორი იქნება.
მინისტრის განცხადებით, სოფლის მეურნეობის განვითარების დარგში რამდენიმე პროექტი განხორციელდება მათ შორის:
სოფლის მეურნეობის ლოჯისტიკური ცენტრები: ლოჯისტიკური ცენტრი აშენდება თბილისის მახლობლად, გარდაბნის რაიონში.
სიმინდის საშრობი და შესანახი მეურნეობა: მისი აშენება დაგეგმილია ლაგოდეხში, სადაც წელს მინიმუმ 6000 ჰექტარზე ჰიბრიდული სიმინდი დაითესება. მნიშვნელოვანია, რომ სწორედ ლაგოდეხიდან წელს სიმინდის ექსპორტი განხორციელდება.
მექანიზაცია: იგეგმება ტრაქტორებისა და კომპანიების შემოყვანა, რომელთა დეფიციტით ქვეყანაში არსებობს.
სარგავი მასალის სათბური: ბოსტნეულის ჩითილების საწარმოებლად ზუგდიდში სარგავი მასალის სათბური აშენდება. ზუგდიდში, სოფელ ცაისში არის საშუალება არტეზიული, ცხელი წყლის გამოყენებით მოხდეს ჩითილების წარმოება, რაც ეკონომიკურად გამართლებულია. მინისტრი ამბობს, რომ დღეს ჩითილის წარმოება გლეხს ოჯახურ პირობებში უწევს, რასაც ინდუსტრიული ხასიათი არ აქვს და ამიტომ ჩითილის ფასი საკმაოდ მაღალია.
საცდელი მეურნეობა წვეთოვანი მოწყვით სოფელ ნიქოზში: დღეისათვის ნიქოზში სავარგულების მორწყვის პრობლემა არსებობს, საიდანაც უწინ ეს სოფელი სარწყავდებოდა დღეს არის ოკუპირებული.
მორწყვითი სისტემის დამონტაჟება გარდაბანსა და დედოფლისწყაროში: მთავრობა ამ ქალაქებში პროექტის განხორციელებას უდიდეს მნიშვნელობას ანიჭებს.
სადრენაჟო სისტემების დანერგვა: პროგრამა მთლიანად მოიცავს კოლხეთის დაბლობს და მოხდება დაჭაობებისგან სავარგულების დაცვა.
მოცვის სადემონსტრაციო ნაკვეთების მოწყობა სამეგრელოში, აჭარასა და გურიაში: აღნიშნული პროცესი უკვე დაწყებულია და აშშ-დან სანერგე მასალა უკვე შემოტანილია
