იაპონიის მთავრობის განცხადებით, იაპონიაში 11 მარტს მომხდარი მიწისძვრისა და ცუნამის შედეგად წარმოქმნილმა ზარალმა 218 მილიარდი ევრო შეადგინა.
როგორც მსოფლიო ბანკი იუწყება, იაპონიას ზარალის აღმოსაფხვრელად და დანგრეული ქალაქების სარეაბილიტაციოდ მინიმუმ 5 წელი დასჭირდება. როგორც სპეციალისტები ვარაუდობენ, საკვებზე აღმოჩენილი რადიაციის გამო იაპონიიდან საკვები პროდუქტების ექსპორტი შესაძლოა საერთოდ შეწყდეს, რაც "ამომავალი მზის" ქვეყნის ეკონომიკას დამატებით პრობლემას შეუქმნის.
სამხრეთ კორეა და აზიის სხვა ქვეყნები უკვე განიხილავენ იაპონური პროდუქტის იმპორტის დაბლოკვას.
რამდენიმე წუთის წინ გავრცელდა ინფორმაცია, რომ ჰონგ კონგმაიაპონიის 5 პრეფექტურიდან საკვები პროდუქტებისა და რძის იმპორტი დაბლოკა.
