ენერგეტიკის და ბუნებრივი რესურსების მინისტრი ალექსანდრე ხეთაგური "ქრისტიან-დემოკრატებს" ურჩევს "ლეიბორისტულ პარტიას" იდეებს ნუ პარავენ. ამის შესახებ დღეს, პარლამენტის რიგგარეშე პლენარულ სხდომაზე ხეთაგურმა "ქრისტიან-დემოკრატების" წევრის ლევან ვეფხვაძის საპასუხოდ განაცხადა, რომელმაც აღნიშნა, რომ გაზის ღირებულება საქართველოში 0.05 ლარი უნდა იყოს.
"იმაზე საუბარი, რომ ერთი კუბური მეტრი გაზის ფასი ხუთი თეთრი უნდა იყოს მინდა გითხრათ ბატონო ლევან, რომ "ლეიბორისტებს" ნუ პარავთ ამ იდეებს", - მიმართა ვეფხვაძეს ენერგეტიკის მინისტრმა და აქვე განმარტა, რომ სულ უფასოდაც რომ შემოდიოდეს გაზი ქვეყანაში, ასეთ შემთხვევაშიც კი მხოლოდ თბილისში გაზის განაწილება 12 თეთრი ჯდება და შესაბამისად ამაზე დაბალიც კი ვერ იქნებოდა.
რაც შეეხება საქართველოში უფასო გაზის შემოსვლას, ხეთაგურმა ლევან ვეფხვაძეს ასევე რეკომენდაციით მიმართა ხელშეკრულებები ან ვინმეს წააკითხოს ან თვითონ წაიკითხოს კარგად, რადგან მსგავსი არაფერი არ არის ჩაწერილი მათ შორის, გიორგი ჭანტურიას მიერ ხელმოწერილ ხელშეკრულებებში.
"ბატონო ლევან თქვეს კითხვებზე ცოტა არის იყოს გაოცებული ვარ. რასაც ვალაპარაკობ ყველას ესმის, მარტო თქვენ არ გესმით. ძალიან მარტივია - არ იყო ელექტროენერგია ახლა არის, ყოველწლიურად იზრდებოდა ფასები და ახლა უკვე 10 წელია ფასების სტაბილურია", - დასძინა ხეთაგურმა.
