ენერგეტიკისა და ბუნებრივი რესურსების მინისტრის ალექსანდრე ხეთაგურის განცხადებით, კომუნალური გადასახადების ამნისტია აღარ განხორციელდება. ამის შესახებ პარლამენტის დღევანდელ რიგგარეშე პლენარულ სხდომაზე, სამთავრობო დებატების დროს ენერგეტიკის მინისტრმა "ქართული დასის" ლიდერ დეპუტატ ჯონდი ბაღათურიას საპასუხოდ განაცხადა, რომელმაც გადასახადების ფინანსური ამნისტია მოითხოვა.
"ამ საკითხზე ბატონო ჯონდი, არაერთხელ გვისაუბრია. მთავრობამ არაერთხელ განახორციელა დავალიანებების ჩამოწერა 2006, 2007, 2008 წელს. ფინანსური ამნისტია უკვე გაკეთებულია და აღარ განმეორდება, რადგან ეს ჩვენ ჩვევაში არ უნდა გადაგვივიდეს", - მიმართა ბაღათურიას ხეთაგურმა.
მისივე თქმით, ხელისუფლებამ ყოველ წელს თუ განახორციელებს დავალიანებების ჩამოწერას, მაშინ ქვეყანაში არც შუქი და არც გაზი აღარ იქნება.
