პარლამენტის თავმჯდომარის დავით ბაქრაძის განცხადებით, ნატოში გაწევრიანებით საქართველოს რუკაზე საკუთარი ადგილის დამკვიდრება სურს.
"ნატოში ინტეგრაცია, ეს არ არის მარტო მთავრობის სწრაფვა. ესაა ჩვენი საზოგადოების სწრაფვა. არც მხოლოდ თავდაცვის საშუალებებს ვეძებთ. ამით გვსურს ჩვენი ადგილი ვიპოვოთ რუკაზე", - განაცხადა დავით ბაქრაძემ დღეს, სასტუმრო "ქორთიარდ მარიოტში" მიმდინარე ნატოს საპარლამენტო ასამბლეის როუზ-როსის 76-ე სემინარზე სიტყვით გამოსვლისას.
მისივე განმარტებით, მცირე დემოკრატიას ყოველთვის სჭირდება მოკავშირე, რომ უსაფრთხოდ განვითარდეს.
"ნატოში გაწევრიანება არაა პოლიტიკური გადაწყვეტილება. ეს სამოქალაქო საზოგადოების სურვილი და აზრია. ჩვენ უსაფრთხოდ გვინდა მივაღწიოთ დემოკრატიას. ნატოში ყოფნა ნიშნავს რუკაზე ადგილის პოვნას, უსაფრთხო სისტემის შექმნას. ეს არაა ჩვენთვის მხოლოდ წევრობა, ეს უფრო მნიშვნელოვანი იდეააა", - აღნიშნა პარლამენტის თავმჯდომარემ.
სასტუმრო "ქორთიარდ მარიოტში" განაცხადა, სადაც ნატოს საპარლამენტო სამბლეის როუზ-როსის 76-ე სემინარი ერთი საათის წინ გაიხსნა. სემინარს ნატოს წევრი სახელმწიფოების 70-მდე ქვეყნის დეპუტატი ესწრება. სემინარი 25 მარტს დაიხურება.
