თურქთის პრემიერ-მინისტრი რეჯეპ ტაიიპ ერდოღანი აცხადებს, რომ ლიბიის წინააღმდეგ სამხედრო ოპერაციებში თურქეთი მონაწილეობას არასდროს მიიღებს.
"თურქეთი იარაღს არასდროს მიმართავს ლიბიელი ხალხის წინააღმდეგ",_თურქეთის პრემიერ-მინისტრის ამ სიტყვებს "როიტერი"ციტირებს.
ერდოღანმა აღნიშნა, რომ გამონაკლისის სახით, გაერომ ლიბიაში ჰუმანიტარული ოპერაცია უნდა უზრუნველყოს.
შეგახსენებთ, 1952 წლიდან თურქეთი ჩრდილოატლანტიკური ალიანსის წევრია, რომლის წევრებიც ლიბიაში საომარი მოქმედებების ჩატარების ფორმატზე ვერ შეთანხმდნენ.
ნატოს ეგიდით ლიბიაში ინტერვენციის დაწყებას თურქეთი კონფლიქტის დაწყების დღიდან მხარს არ უჭერდა.
