ნატოს საპარლამენტო ასამბლეის პრეზიდენტის, კარლ ლამერსის შეფასებით, ავტორიტარული რეჟიმების ქმედებების დაცვა არ უნდა მოხდეს.
ამის შესახებ ნატოს საპარლამენტო ასამბლეის პრეზიდენტმა, კარლ ლამერსიმ საქართველოს პარლამენტის თავმჯდომარე დავით ბაქრაძესთან შეხვედრის შემდეგ გამართულ ერთობლივ ბრიფინგზე განაცხადა.
"გაეროს უშიშროების საბჭომ რამდენიმე დღის წინ მიიღო ცალსახა რეზოლუცია, რომელიც მიმართულია იმისკენ, რომ არ დაიცვას ავტორიტარული რეჟიმის ქმედებები, რომელიც ბომბავს და ანადგურებს საკუთარ მოსახლეობას და ამჟამად მიმდინარებს ლიბიაში სწორედ ასეთი ქმედებები", - აღნიშნა ლამერსიმ.
მისი თქმით, ნატოს საპარლამენტო ასამბლეის წევრებმა ათენში შეხვედრის დროს განიხილეს აღნიშნული საკითხების, რომელიც ჩრდილოეთ აფრიკის არაბულ მოსახლეობის დახმარებას ეხება.
"მზად ვართ ამ სახელმწიფოებს დემოკრატიული მისწრაფებების განხორციელებაში დავეხმაროთ. ასევე მზად ვართ დემოკრატიის დასაცავად", - აღნიშნა ნატოს საპარლამენტოს ასამბლეის პრეზიდენტმა.
