სოფლის მეურნეობის დარგში არის ბერი წარმატება და ბევრი პრობლემაც, - ამის შესახებ დღეს, საპარლამენტო დებატების დაწყების წინ სოფლის მეურნეობის მინისტრმა ბაკურ კვეზერელმა ჟურნალისტებთან საუბრისას განაცხადა.
"პარლამენტში ჩვენს მიერ გამართული პრეზენტაციების შემდეგ საზოგადოებას მიცემა საშუალება ნახოს, რა ხდება სოფლის მეურნეობის სფეროს მიმართულებით. ჩვენ ამ სფეროში გვაქვს როგორც ძალიან ბევრი მიღწევა, ასევე ბევრი პრობლემაც", - აღნიშნა კვეზერელმა.
მისივე თქმით, პარლამენტში მოხსნების დროს მოეწყობა პრეზენტაციები, რომელიც შეეხება სხვადასხვა გეგმებს და პროექტებს, რომელსაც ახორციელებს ან გეგმავს სამომავლოდ, როგორც სოფლის მეურნეობის სამინისტრო, ასევე დონორი ორგანიზაციები.
როგორც ცნობილია, სოფლის მეურნეობის მინისტრი სამთავრობო დებატებში ხვალ, ენერგეტიკისა და ბუნებრივი რესურსების და განათლებისა და მეცნიერების მინისტრებთან ერთად ჩაერთვება.
შეგახსენებთ, რომ დღეს, სამთავრობო დებატები პრემიერ-მინისტრმა ნიკა გილაურმა მოხსნებით გახსნა, რის შემდეგაც ტრიბუნა ფინანსთა მინისტრს კახა ბაინდურაშვილს დაუთმო. დღესვე დებატებში ეკონომიკისა და მდგრადი განვითარების მინისტრი ვერა ქობალიაც ჩაერთვება.
