პარლამენტში სამთავრობო დებატებზე გამოსვლისას პრემიერ-მინისტრი ნიკოლოზ გილაური საგარეო ვალის თემასაც გამოეხმაურა.
"ჯამში, ჩვენი მიზანი არის, რომ საქართველოს სახელმწიფო ვალი არ აღემატებოდეს 60 პროცენტს. დღესდღეობით ჯამური ვალი არის 43 პროცენტი მშპ-სთან მიმართებაში და ეს ციფრი დაიწყებს კლებას მომავალი წლიდანვე. ეს არის ჩვენი უახლოესი სამოქმედო გეგმა. რაც შეეხება საგარეო ვალს, აქ დაფიქსირებული გვაქვს 37,5 პროცენტი და ეს ციფრიც დაიწყებს კლებას მომავლი წლიდან და უახლოესი 3-4-5 წლის განმავლობაში ჩვენ რეალურად ჩამოვალთ დაახლოებით 30 პროცენტზე",_აღნიშნა ნიკოლოზ გილაურმა.
მისი თქმით, საგარეო ვალის სტრუქტურაში მთავარია ის, რომ მისი 26 პროცენტი არის საერთაშორისო სავალუტო ფონდის ნაწილი და მხოლოდდამხოლოდ 10 პროცენტია ევროფონდის წილი, რომელიც შედარებით უფრო მაღალპროცენტიანია, ვიდრე დანარჩენი საკრედიტო რესურსები.
შეგახსენებთ, დღეს საქართველოს პრემიერ-მინისტრი ნიკოლოზ გილაური და მთავრობის წევრები საკანონმდებლო ორგანოში სამთავრობო დებატებზე იმყოფებიან.
