დროთა განმავლობაში ორმაგი სტანდარტების პოლიტიკა დაგმობილი იქნება, საქართველოსა და მრავალი ქვეყნის მოქმედებებს, რომლებიც დღეს "მშვიდობისმყოფებელების" როლში გამოდიან კანონიერ ვერდიქტს გამოუტანენ. ეს განცხადება ოს სეპარატისტთა ლიდერის ე.წ. წარმომადგენელმა პოსტკონფლიქტური დარეგულირების საკითხებში ბორის ჩოჩიევმა ლიბიაში მიმდინარე სიტუაციის კომენტირებისას გააკეთა. ინფორმაციას ამის შესახებ ე.წ. სამხრეთ ოსეთის ბეჭდვისა და ინფორმაციის კომიტეტი ავრცელებს.
"ლიბიაში მიმდინარე მოვლენები - დიდი პოლიტიკაა და დღეს მე არ ვაპირებ არც კოალიციის და არც მუამარ კადაფის მოქმედებების კომენტირებას, მაგრამ მინდა ყურადღება გავამახვილო შემდეგ მომენტზე, ქვეყნები, რომლებიც დასავლურ კოალიციაში მონაწილეობენ ერთხმად აცხადებენ, რომ კადაფმა ოპოზიციის წინააღმდეგ ძალა გამოიყენა, ამის გამო მათ თავიანთი თავი აღჭურვეს უფლებამოსილებით ბომბონ ლიბია. ამასთან ერთად, იქ ქვეყნებმა, რომლებიც დღეს კადაფის მოქმედებებს გმობენ იციან, რომ ლიბიაში არ ცხოვრობენ არც დიდი ბრიტანეთის, არც აშშ-ს, არც საფრანგეთის მოქალაქეები და ყველა ისინი თითქოს "შეშფოთებულნი" არიან ამ ქვეყნის მოქალაქეების ბედით", _ განაცხადა ჩოჩიევმა და დასძინა, რო რატომღაც 2008 წლის აგვისტოში დასავლეთის ქვეყნები მსგავსი "შეშფოთებულობით" არ გამოირჩეოდნენ ე.წ. სამხრეთ ოსეთის მოქალაქეების მიმართ.
"დასავლეთის ქვეყნეი გმობდნენ რუსეთის მოქმედებებს 2008 წლის აგვისტოში, რომელიც ერთადერთი მოვიდა როგორც სამშვიდობოების ისე სამხრეთ ოსეთის ხალხის დასაცავად - ხალხის რომელსაც სრული გადაშენება ემუქრებოდა. ამას გარდა, რუსეთი მოვიდა იმ ხალხის დასახლარებლად რომლებსაც წყვეტდნენ და ასევე ეს ადამიანები იყვნენ და არიან რუსეთის მოქალაქეები", _ აცხადებს ბორის ჩოჩიევი.
მისივე თქმით, საშინელება იქნებოდა იმის წარმოდგენაც კი რას გააკეთებდნენ კოალიციის ძალები იმ შემთხვევაში კადაფს მათი ქვეყნის მოქალაქეები რომ ეჟლიტა.
"შეეძლო რუსეთს 2008 წლის აგვისტოში თავისი სამშვიდობოების და თავისი მოქალაქეების დასაცავად არ მოსულიყო? ორმაგი სტანდარტების პოლიტიკა, რომ არა, დასავლეთი ვალდებული იქნებოდა აგვისტოში არა მხოლოდ რუსეთის გვერდით დამდგარიყო, არამედ აგრესორი სააკაშვილი დაესაჯა", _ აცხადებს ბორის ჩოჩიევი.
