საქართველოს პრემიერ-მინისტრი და მთავრობის წევრები პარლამენტში მივიდნენ. საკანონმდებლო ორგანოში სამთავრობო დებატები რამდენიმე წუთში გაიხსნება.
დებატებს საქართველოს პრემიერ-მინისტრი ნიკოლოზ გილაური გახსნის, რომელიც დეპუტატების წინაშე მოხსენებით გამოვა, კერძოდ კი პრემიერი ისაუბრებს ქვეყანაში არსებულ ვითარებაზე და მთავრობის სამომავლო გეგმებზე.
გილაურის შემდეგ საპარლამენტო ტრიბუნას ფინანსთა მინისტრი კახა ბაინდურაშვილი და ეკონომიკისა და მდგრადი განვითარების მინისტრი ვერა ქობალია დაიკავებენ, რომლებიც სამომავლო გემების პრეზენტაციას გამართავენ, რის შემდეგაც პლენარული სხდომა დებატების ფორმატში გაგრძელდება.
მინისტრებისთვის კითხვის დასმის უფლება და საკუთარი მოსაზრების დაფიქსირება ყველა დეპუტატს შეეძლება.
სამთავრობო დებატების ფარგლებში დეპუტატების სამი დღის განმავლობაში ეკონომიკის, ფინანსთა, ჯანდაცვის, ლტოლვილთა, განათლებისა და ინფრასტრუქტურის მინისტრებს მოუსმენენ, ხოლო მეოთხე დღეს, 25 მარტს, საკანონმდებლო ორგანოში მინისტრთა კაბინეტი სრული შემადგენლობით მივა და დებატები პრემიერ-მინისტრთან გაიმართება.
შეგახსენებთ, რომ სამთავრობო დებატების ინიციატივა "ქრისტიან-დემოკრატიული" მოძრაობის ლიდერს, გიორგი თარგამაძეს ეკუთვნის.
