საერთაშორისო კოალიციის ძალების მიერ ლიბიის დაბომბვა, რომლის დროსაც იღუპებიან მშვიდობიანი მოქალაქეები ეწინააღმდეგება ლიგის მოწოდებას, ლიბიის საჰაერო სივრცის დახურვის შესახებ. ამის შესახებ არაბული სახელმწიფოების ლიგის გენერალურმა მდივანმა ამირ მუსამ განაცხადა იტყობინება „ბი-ბი-სი".
ლიგის მეთაურმა მოუწოდა წევრი სახელმწიფოების მეთაურებს რიგგარეშე შეკრებისკენ, რათა განიხილონ არაბულ სახელმწიფოებში შექმნილი ვთარება.
„ის რაც ამჟამად ხდება არ შეესაბამება მიზნებს, რომლისთვისაც უნდა დახურულიყო საჰაერო სივრცე. ჩვენ გვინდა მშვიდობიანი მოქალაქეების დაცვა და არა მათი დაბომბვა", - განაცხადა მუსამ.
შეგახსენებთ, რომ ლიბიაში საერთაშორისო კოალიცია სამხედრო ოპერაციას ატარებს. ამ დროისთვის ვრცელდება ინფორმაცია კადაფის მომხრეებსა და მოწინააღმდეგებს შორის 100-ზე მეტი მშვიდობიანი მოქალაქის დაღუპვის შესახებ.
