"ფუკუშიმას" ატომური ელექტროსადგურის მეორე რეაქტორზე ელექტროენერგიის მიწოდება აღდგა. იაპონური სააგენტო "კიოდოს" ინფორმაციით, ელექტროენერგიის მიწოდება რეაქტორების გამაგრილებელი სისტემის ამუშავებას შეუწყობს ხელს. როგორც იაპონიის მთავრობის წარმომადგენლები აცხადებენ, რეაქტორებზე ვითარება შედარებით სტაბილურია. შემცირდა რადიაქტიური ნივთიერების გაჟონვის დონეც.
ამასთან, "კიოდოს" ცნობით, უახლოეს მომავალში ატომური ელექტროსადგური შესაძლოა იაპონიის პრემიერ-მინისტრმა ნაოტო კანმა მოინახულოს.
პრობლემა მესამე რეაქტორზე რჩება, სადაც გაცხელებული ენერგობლოკების გაგრილებას ზღვის წყლით ცდილობენ.
ოფიციალური ინფორმაციით, ელექტროსადენები უკვე აღდგენილია, თუმცა მათ ჩართვას აფეთქების შიშით ჯერ ვერ ბედავენ.