რუსული მხარე მსოფლიოში მიმდიანე პოლიტიკური პროცესებისა და ბუნებრივი კატაკლიზმების ფონზე უმთავრეს პრობლემად ისრაელი-პალესტინის ურთიერთოებებს მიიჩნევს.
ამის შესახებ დიდი რვიანის შეხვედრაში რუსეთის წარმომადგენელმა ალექსანდრ ლუკაშევიჩმა განაცხადა.
ლუკაშევიჩმა აღნიშნა იაპონიაში არსებული რთული მდგომარეობა, ასევე ყურადღება გაამახვილა, რომ დიდი რვიანის შეხვედრაზე განხილულ იქნება ავღანეთის, ჩრდილოეთ კორეისა და ლიბიის საკითხები.
ლიბიასთან დაკავშირებით ლუკაშევიჩმა განაცხადა, რომ აღნიშნულ პროცესში არ უნდა მოხდეს გარე ძალების ჩარევა და იქ მიმდინარე პროცესები მშვიდობიანი გზით უნდა დარეგულირდეს. ამავდროულად საფრანგეთი და დიდი ბრიტანეთი მოითხოვენ ლიბიის არასაფრენ ზონად გამოცხადებას.
შეგახსენებთ, რომ დიდი რვიანის საგარეო უწყების ხელმძღვანელები დღეს საფრანგეთის პრეზიდენტს ნიკოლა სარკოზის შეხვვდებიან. მოგვიანებით დაგეგმილია სადილის გ საფრანგეთის საგარეო საქმეთა მინისტრის ალან ჟუპეს სახელით.
სამიტი ხვალ, 15 მარტს გაიმართება.
