ოს სეპარატისტთა ლიდერმა ედუარდ კოკოითმა იაპონიის პრემიერ-მინისტრს ნაოტო კანს სამძიმრის დეპეშა გაუგზავნა. ინფორმაციას ამის შესახევ ე.წ. სამხრეთ ოსეთის ბეჭდვისა და ინფორმაციის კომიტეტი ავრცელებს.
კოკოითის მიერ გაგზავნილ დეპეშაში ნათქვამია: "ღრმად შეძრული ვარ მომხდარი მიწისძვრის შესახებ ამბის გაგებით. ეს ტრაგიკული მოვლენა ტკივილით აისახა სამხრეთ ოსეთის მოსახლეობის გულებში, რომლებმაც 1991 წელს თავად გადაიტანეს საშინელი მიწისძვრა. ჩვენი ქვეყნის მოქალაქეები ამ დღეებში გლოვობენ თქვენთან ერთად. გთხოვთ, დაღუპულთა ნათესავებს ჩვენი თანაგრძნობის სიტყვები გადასცეთ", - ნათქვამია დეპეშაში.