იაპონიის პრემიერ-მინისტრ ნაოტო კანის განცხადებით ქვეყანას ჩერნობილის მსგავსი ტრაგედია არ ემუქრება. მისი თქმით, მიწისძვრისა და ცუნამის შედეგად წარმოქმნილი ატომური ელექტროსადგურების პრობლემა ფუნდამენტურად გასხვავდება ჩერბოლის პრობლემისგან.
"იაპონიაში მსგავსი მასშტაბის ტრაგედია მეორე მსოფლიო ომის შემდეგ აღარ დატრიალებულა. თუ იაპონელი ხალხი ერთად დადგება და პრობლემის გადაჭრას ერთად შეუდგება ჩვენ ამ ტრაგედიას დავძლევთ. ყველანაირად ვცდილობთ, რომ ატომურ ელექტროსადგურებზე არსებული სიტუაცია განვმუხტოთ და ქვეყანას რადიაცია თავიდან ავარიდოთ. მინდა აღვნიშნო ისიც, რომ ჩვენი ბურთვული პრობლემა ჩერნობილისგან ფუნდამენტურად განსხვავდება. ჩვენ ჩერნობილის მსგავსი ტრაგედია არ გვემუქრება", - განაცხადა კანმა.
იაპონიის "ფუკუსიმას" ატომური ელექტროსადგურის ერთ-ერთ ბლოკზე აფეთქების საშიშროებაა.
ამის შესახებ იაპონიის მთავრობის გენერალურმა მდივნმა მიუკიო ედანომ განაცხადა.
მისი თქმით, სადგურის მესამე ბლოკზე წყლის დონის აწევით რეაქტორის გაგრილების პროცესი დაწყებულია.
იაპონიაში მომხდარი მიმწისძვრის შედეგად დაღუპულთა რიცხვმა, შესაძლოა, 10 ათასს მიაღწიოს. განცხადება ამის შესახებ სტიქიის შედეგად ყველაზე დაზარალებული მიამის პრეფექტურის მილიციის უფროსმა ნაბუტო ტაკეუტიმ დღეს გამართულ პრესკონფერენციაზე გააკეთა.
შეგახსენებთ, რომ იაპონიაში 9.0 ბალის სიმძლავრის მიწისძვრა 11 მარტს მოხდა, რამაც ცუნამიც გამოიწვია.
გარდაცვლილთა და დაკარგულთა ზუსტი რაოდენობა ჯერჯერობით დაზუსტებული არ არის. დაკარგულად ითვლება ათასობით ადამიანი.