უკრაინის ვიცე-პრემიერი სერგეი ტიგიპკო ქვეყნის საგადასახადო და საბაჟო სამსახურების უფროსების გადადგომას ითხოვს. ამის შესახებ ტიგიპკომ უკრაინის ერთ-ერთი ტელეარხით გამოსვლისას, ეროვნული ბანკის წარმომადგნელის რეპლიკის საპასუხოდ განაცხადა, რომელმაც აღნიშნა, რომ საგადასახადო სამსახურის ქმედებები ბიზნესის განვითარებას ხელს უშლის.
"რას აკეთებს საგადასახადო ადმინისტრაცია, თუ კი ის დეკლარაციებს არ იბარებს და მეწარმიდან ნებისმიერ პირობებში გარკვეული რაოდენობის ზედმეტ გადასახადს ითხოვენ. ის რასაც საბაჟო აკეთებს ეს დაუშვებელია და მე მოვითხოვ, რომ მოვიდა დრო საგადასახადო და საბაჟო სისტემაში მკაცრი საკადრო ცვლილებები განხორციელდეს. ამასთან ეს მხოლოდ ხელმძღვანელობას არ ეხება. წინააღმდეგ შემთხვევაში ეს ადამიანები მთელს ქვეყანას დაასამარებენ"- განაცხადა ტიგიპკომ.
ვიცე პრემიერ მინისტრმა ასევე აღნიშნა, რომ საკადრო ცვლილებებს არ უნდა იყოს მხოლოდ მექანიკური.
