ლიბიის ჩრდილოეთით მდებარე ქალაქი ეზ-ზავია, რომელსაც ლიბიის ლიდერის მოწინაღმდეგენი აკონტროლებდნენ, სამთავრობო ძალებმა მთლიანად აიღეს.
უფრო ადრე დასავლეთის მედიასაშუალებებით ვრცელდებოდა ინფორმაცია, რომ კადაფის მომხრე ძალებმა ამბოხებულთა წინააღმდეგობა გატეხეს და ქალაქის ცენტრი ტანკების დახმარებით აიღეს. თუმცა ქალაქში წინააღმდეგობა გრძელდებოდა.
შეგახსენებთ, თებერვლის ბოლოს კადაფის წინააღმდეგ ამბოხებულებმა ეზ-ზავიაზე კონტროლი დაამყარეს. ისინი ეზ-ზავიას ქვეყნის დედაქალაქზე თავდასხმის პლაცდარმად განიხილავდნენ.
