იაპონიის ხელისუფლებამ ატომური სადგური ელექტროსადგურების "ფუკუსიმა I"-ის და "ფუკუსიმა II" -ის ირგვლივ მიმდინარე მოსახლეობის ევაკუაციის ათკილომეტრიანი ზონა ოც კილომეტრამდე გააფართოვა. ამჟამად მოსახლეობის ევაკუაცია ატომური ელექტროსადგურებიდან 20 კილომეტრიან ზონებში მიმდინარეობს. ინფორმაციას ამის შესახებ იაპონური მედია ავრცელებს.
"ფუკუსიმა II" -ის ატომური ელექტროსადგური "ფუკუსიმა I" ატომური ელექტროსადგურიდან 12 კილომეტრის დაშორებით მდებარეობს.
შეგახსენებთ, რომ "ფუკუსიმა I"-ის ატომურ ელექტროსადგურზე მომხდარი აფეთქების შედეგად ერთ-ერთი ბლოკის შიდა კედელი დანგრეულია. აფეთქების რაიონში მეხანძრეთა და მედიკოსთა ბრიგადებია გაგზავნილი.
იაპონიის მთავრობის გენერალურმა მდივანმა იუკიო ედანომ "ფუკუსიმა-I" ატომური ელექტროსადგურის ტერიტორიაზე მომხდარი აფეთქება დაადასტურა, თუმცა აღნიშნა, რომ რეაქტორი არ აფეთქებულა.
ამასთან ერთად, იაპონური ტელეკომპანია "NHK" პრეფექტურის ადმინისტრაციაზე დაყრდნობით ავრცელებს ინფორმაციას, რომ ელექტროსადგურის ტერიტორიაზე რადიაციული ფონი იზრდება. მაცხოვრებლებს მოუწოდებენ ფანჯრები დახურონ, კონდენციონერები ჩართონ და სახლებში დარჩნენ.
