იაპონიაში მომხდარი მიწისძვრის შედეგად დაღუპულთა და უგზო-უკვლოდ დაკარგულთა რაოდენობამ 2,5 ათას ადამიანს გადააჭარბა. ინფორმაციას ამის შესახებ ქვეყნის პოლიციის მთავარი სამმართველო ავრცელებს.
იაპონიის ხელისუფლებამ ამ დროისათვის, ოფიციალურად მხოლოდ 900 ადამიანის გარდაცვალება დაადასტურა.
გავრცელებული ინფორმაციით, ამჟამად ელექტროენერგიის გარეშე სულ მცირე 4, 4 მილიონი სახლია დარჩენილი. წყლის გარეშე კი სულ მცირე 1 მილიონი ოჯახია.
შეგახსენებთ, რომ იაპონიაში მომხდარი 8.9 მაგნიტუდის სიმძლავრის მიწისძვრისა და ცუნამის შედეგად დაკარგულია ათასობით ადამიანი, რომელთაგანაც სავარაუდოდ, უმრავლესობა დაღუპულია.
