იაპონიაში მიწისძვრის შედეგად დაღუპული ადამიანების რაოდენობა იზრდება.
"ბი-ბი-სი" ავრცელებს ინფორმაციას 1600 დაღუპულის შესახებ.
ამას გარდა, მიანგის პრეფექტურაში უკვე ნაპოვნია 400 დან 500 ცხედრამდე. ინფორმაციას ამის შესახებ იაპონური ტელეკომპანია "NHK" ავრცელებს.
ამ დროისათვის იაპონიის ხელისუფლებამ ოფიაცილურად მხოლოდ 599 ადამიანის დაღუპვა დაადასტურა.
სააგენტო "ფრანს-პრესის" მიერ გავრცელებული ინფორმაციით, მიწისძვრის შედეგად გარდაცვლილია სულ მცირე 703 ადამიანი. დაკარგულია 784 ადამიანი.
აშშ-ს გეოლოგიური სამსახურის ინფორმაციით, იაპონიის აღმოსავლეთ სანაპიროზე მიწისქვეშა ბიძგების სერია ამჟამადაც გრძელდება. სიმძლავრე 5,0 დან 6,8 ბალამდეა.
