ჰოლივუდის მსახიობ მელ გიბსონს, რომელსაც მეგობარი ქალის _ოქსანა გრიგორიევას ცემაში ადანაშულებენ, სამწლიანი პირობითი მსჯავრი შეეფარდა.
როგორც "ნიუ-იორკ თაიმსი" იტყობინება, პირობითი მსჯავრის გამო მელ გიბსონს 600 დოლარის ოდენობით ჯარიმა დაეკისრა. ამასთან, მსახიობს ბავშვების მომვლელთა ჯგუფში საზოგადოებრივი სამუშაოების შესრულება დააკისრეს.
სასამართლოს გადაწყვეტილებით, მელ გიბსონი ერთ წლის მანძილზე სპეციალურ კურსს დაესწრება, რომელიც ოჯახში ძალადობის პრობლემებს შეეხება.
რეალური განაჩენისგან თავის დაღწევა მელ გიბსონმა პროკურორების დასკვნის გამო შეძლო, რომლის თანახმადაც, პროკურორი ამ საქმის ვრცლად განხილვას აღარ აპირებს.
შეგახსენებთ, სასამართლომ გრიგორიევას წინააღმდეგ შემხვედრი სარჩელი მტკიცებულებათა არარსებობის გამო არ მიიღო. ამ სარჩელის თანახმად, მელ გიბსონი ცდილობდა, დაემტკიცებინა, რომ ოქსანა გრიგორიევა მას აშანტაჟებდა და ფულს სძალავდა.
