დღეს აზერბაიჯანის დედაქალაქ ბაქოში ახალგაზრდების მიერ ორგანიზებული საპროტესტო აქციის გამართვა იგეგმება. გუშინ, 11 მარტს, აზერბაიჯანის დედაქალაქში წინასწარ დაანონსებული „დიდი სახალხო დღის" ჩატარება ვერ მოხერხდა.
პოლიციელებმა ათობით ახალგაზრდა აქტივისტი დააკავეს.
აზერბაიჯანის შსს ინფორმაციით, სულ დაკავებულია 43 ადამიანი, მათთგან 23 ოფიცციალური გაფრთხილების შემდეგ განთავისუფლდა, სხვებს სამართალდამცავებმა აქტები შეუდგინეს და მათ წინააღმდეგ სასამართლო პროცესი გაიმართება.
სამართალდამცავები აცხადებენ, რომ აქციის ჩატარების ორგანიზატორების მხარდამჭერებმა "დემონტრაციულად დაარღვიეს საზოგადოებრივი წესრიგი და დედაქალაქის მოსახლეობის სიმშვიდე".
ოპოზიციურო პარტია მუსავატის ლიდერის, ისა გამბარის განცხადებით, მისასალმებელია აზერბაიჯანელი ახალგაზრდების ინიციატივა, რომლებმაც შესძლეს ძლიერ შეეწუხებინათ ხელისუფლება.
ისა გამბარი მიიჩნევს, რომ ეს არის ახალგაზრდების ბრძოლის დასაწყისი აზერბაიჯანის დემოკრატიული გარდაქმნებისათვის.
უნდა აღინიშნოს რომ დაკავებულბს შორის ისა გამბარის შვილიცაა.
დამოუკიდებელი დეპუტატი ელმირა ახუნდოვა აცხადებს რომ ოპოზიციურ პარტიებში არიან ახალგაზრდები და მათ აქვთ პროტესტის გამოხატვის კონსტიტუციური უფლება, „იმავდროულად კონსტიტუციური უფელბა აქვს ხელისუფლებასაც აღკვეთოს უკანონო მიტინგები".
აქციის ორგანიზატორთა უმეტესობა წითელ ტანსაცმელში იყო გამოწყობილი.
შეგახსენებთ, რომ აქციის ჩატარების ინიციატორებმა „დიდი სახალხო დღის" გამართვის შესახებ საზოგადოებას სოციალური ქსელის „ფეისბუკის" საშუალებით ამცნეს.
