იაპონიის მთავრობის გენერალურმა მდივანმა იუკიო ედანომ "ფუკუსიმა-1" ატომური ელექტროსადგურის ტერიტორიაზე მომხდარი აფეთქება დაადასტურა, თუმცა აღნიშნა, რომ რეაქტორი არ აფეთქებულა.
ამასთან ერთად, იაპონური ტელეკომპანია "NHK" პრეფექტურის ადმინისტრაციაზე დაყრდნობით ავრცელებს ინფორმაციას, რომ ელექტროსადგურის ტერიტორიაზე რადიაციული ფონი იზრდება. მაცხოვრებლებს მოუწოდებენ ფანჯრები დახურონ, კონდენციონერები ჩართონ და სახლებში დარჩნენ.
ელექტროსადგურის ტერიტორიაზე გაგზავნილი არიან მედიკოსთა ბრიგადები და მეხანძრეები.
აღსანიშნავია, რომ რადიოაქტიური ცეზიუმი აღმოჩენილია "ფუკუსიმას" ატომური ელექტროსადგურის პირველ ენერგობლოკთან. სადგურზე საგანგაშო მდგომარეობაა.
სპეციალისტების განმარტებით, აღნიშნული ნიშნავს, რომ რეაქტორში საწვავის გალღობა მოხდა.
