უცხოელ მოქალაქეებს უკრაინაში მიწის შეძენის უფლებას არ მისცემენ. ამის შესახებ უკრაინის სახელმწიფო მიწათმოქმედების სააგენტოს თავმჯდომარის მოადგილე ნიკოლაი კალიუჟინმა განაცხადა.
"უკვე მოვამზადეთ "მიწის ბაზრის" შესახებ საბაზისო კანონის ახალი რედაქცია, სადაც მიწის გაყიდვის კონკურსისა და აუქციონთა წესები ნათლად არის განსაზღვრული. იგი მარტო სამეურნეო მიწებს არ მოიცავს, არამედ _ მიწის ყველა სახეობას. პროექტის მეოთხე თავი კი სამეურნეო მიწების გაყიდვას შეეხება, რაც ჩვენი საზოგადოებისთვის მტკივნეული თემაა", _ აღნიშნავს კალიუჟინი.
კალიუჟინის თქმით, კანონზე მუშაობისას მათ უკრაინის რეგიონები მოიარეს, იმყოფებოდნენ ევროპაშიც და მათი გამოცდილებაც გაიზიარეს.
"კანონის მიღების შემდეგ სოფლის მოსახლეობას მიწის გარეშე არ დავტოვებთ", _ ირწმუნება კალიუჟინი.
"ჩვენ გავითვალისწინეთ მუხლი, რომლის თანახმადაც, უკრაინის მოქალაქეები, ასევე, სახელმწიფო საკუთრების მიწის ფონდი სამეურნეო მიწების პროვატიზირების უფლებას მიიღებენ. ამასთან, გავითვალისწინეთ მიწის ხარისხისა და ფართის ოდენობაც. უცხოელები კი, რომლებიც ასეთ მიწებს საკუთრებაში ფლობენ, ერთი წლის განმავლობაში აუქციონის გზით ამ მიწებისგან უნდა გათავისუფლდნენ. წინააღმდეგ შემთხვევაში, მათთვის სამეურნეო მიწების ჩამორთმევის იძულებითი ღონისძიებები ამოქმედდება", _ აცხადებს კალიუჟინი.