თბილისის მერმა გიგი უგულავამ ხორცის სპეციალიზირებული მაღაზიათა ქსელის "იბერულას" ახლადგახსნილი ფილიალი დაათვალიერა და იქ დასაქმებულ ადამიანებს გაესაუბრა.
"იბერულას" მაღაზიათა ქსელი მომხმარებელს ეკოლიგიურად სუფთა, საქონლის, ღორისა და ქათმის ხორცს, ასევე ნატურალური ნედლეულისგან დამზადებულ ძეხვეულის ფართო ასორტიმენტს სთავაზობს.
კომპანია "იბერულა" 2010 წელს დაარსდა და ამჟამად თბილისში მაღაზიათა ქსელის ოთხი ობიექტი უკვე ფუნქციონირებს. კომპანიაში ამ ეტაპზე 60 ადამიანია დასაქმებული, რომელთა საშუალო ხელფასი 500 ლარს შეადგენს.
წლის ბოლომდე ქალაქის ყველა უბანში "იბერულას" კიდევ 15 ახალი მაღაზია გაიხსნება და შესაბამისად ახალი სამუშაო ადგილები შეიქმნება.
